Ішкі нарықты отандық өніммен барынша қамтамасыз ету қажет – ҚР Үкіметі
ҚР Үкіметі
Премьер-министр Олжас Бектенов Үкімет отырысында инфляция деңгейін төмендету бағытында жүзеге асырылатын негізгі шараларды атады. Әсіресе тұтыну бағаларын тұрақтандыру және тұтынушылық несие беру ісін реттеу мәселесіне баса назар аударылды, деп хабарлайды Altainews.kz тілшісі.
«Инфляция үшін тұтыну бағаларын тұрақтандыру жұмысын күшейту керек.
Инфляцияға сырттан келетін азық-түлік бағалары қысым көрсетіп отыр. Сондықтан ішкі нарықты отандық өніммен барынша қамтамасыз етіп, азық-түлік тауарларының тұрақтандыру қорларын жедел қалыптастырған жөн. Мемлекет басшысы атап өткендей, тұтынушылық несие беру ісін тұрақтандыру бойынша батыл шаралар қабылдау қажет. Банктер мен несие беру ұйымдары, сауда нүктелері тауар бағасындағы бөліп төлеудің нақты құнын, сондай-ақ несиелеу кезіндегі барлық артық төлемді толық ашып көрсетуі тиіс», — деп атап өтті Олжас Бектенов.
Премьер-министр бұл бағытта бұқаралық ақпарат құралдары мен әлеуметтік желілерде түсіндіру жұмыстарын күшейтуді тапсырды.
Өңірлерде инфляцияға қарсы шаралар шеңберінде бағаны негізсіз көтеруге жол бермеу, әлеуметтік маңызы бар азық-түлік қорларын толықтыру және нарыққа сұранысқа ие отандық тауар өндірушілердің өнімдерін арттыру бағытындағы жұмыстар жалғасуда.
Оқи отырыңыз
Өңірлердің әкімдіктеріне азық-түлік бағасын тұрақтандыру жұмысын жалғастыру тапсырылдыТұрақтандыру қорларындағы азық-түлік су тасқынынан зардап шеккен жоқ – МинистрлікСу тасқыны кезеңінің басталуына да көп уақыт қалған жоқ — Олжас Бектенов бірқатар тапсырма бердіПремьер-министр экономикалық болжам мен баға тұрақтылығы мәселесін көтердіАзық-түлік бағасын тұрақтандыра алмаған шенеуніктер жазаға тартылады – Бақыт Сұлтанов
