2024 жылдың соңында көлікті ұзақ уақыт қыздырғаны үшін айыппұл салу мәселесі елде қызу талқыланған еді. Содан бері бір жыл өтті. Риддер қаласының тұрғыны Айдар Құрманов Altainews.kz редакциясына: «Міне, тағы да күн суытып, қар жауды. Енді көлікті аулада қыздырсақ, айыппұл салынатыны рас па?» деген сұрағын жолдады.

Сауалға жауап ҚР Ішкі істер министрлігінің ресми интернет порталынан алынды:

– Қолданыстағы ережелерге сәйкес, көліктің қозғалтқышын 5 минуттан артық қыздыруға және тұрғындарға қолайсыздық тудыруға болмайды.

Егер мұндай құқықбұзушылық тіркеліп, шағым ресми түрде рәсімделсе, көлік иесіне 5 АЕК мөлшерінде айыппұл салынады, бұл 2025 жылы 19 660 теңгеге тең. Ал бір жыл ішінде қайталанса, жаза көлемі 10 АЕК-ке дейін өседі, яғни 39 320 теңге (2025 жылдың соңына дейін).

2026 жылы АЕК мөлшері 4 325 теңгеге дейін өсетіндіктен, айыппұл көлемі да сәйкесінше артады.

Бұл норма қабылданған және заң орындалуы тиіс. Сонымен қатар тұрғындарға түсіндіру жұмыстары жүргізілуде.

Бұл нормалар бұрын қабылданған. Жалпы, дұрыс. Бірақ нақтылау қажет.

Сондай-ақ, көлікті тұрғын үйлердің аулаларында жылытуға болмайды. Себебі, «Жол қозғалысы туралы» заңның 4.34-тармағына сәйкес, тұрғын үй аумағында қозғалтқышы жұмыс істеп тұрған көлікті қоюға тыйым салынады.

Мысалы, Астана қаласында көлік қозғалысын ұйымдастыру ережелеріне көлікті жылыту мерзімін нақтылау нормасын енгізу ұсынылды.

Бұл ереже қабылданса, ауа температурасы –10°C-қа төмендеген кезде көлікті 10 минутқа дейін жылытуға мүмкіндік беріледі. Бұл норма тек қыста ғана емес, көктем мен күзде де қолданылады.

Дәурен Аллабергенұлы