Әлеуметтік желіде көлікті бес минуттан астам уақыт қыздырған қазақстандықтарға айыппұл салынатыны туралы ақпарат қызу талқыланып жатыр. Алайда бұл норма Қазақстанның жол қозғалысы ережелерінде 20 жылдан бері бар,- деп хабарлайды Altainews.kz тілшісі.

Қазақстан Республикасының Жол жүрісі ережелерінің 88-бабы 5-тармағына сәйкес елді мекендерде қозғалтқышы қосулы көліктердің тұруға тыйым салынады. Осыған ұқсас талап  ЖЖЕ 17-тарауының 122-бабының 4-тармағында да бар.

ШҚО ПД мәліметінше, бұл талап жаңалық емес. Егер қозғалтқышы жұмыс істеп тұрған көлік бес минуттан астам уақыт бір орында қозғалмай тұрып, тұрғындарға қолайсыздық тудырса, бұл әрекет Қазақстан Республикасы Әкімшілік құқықбұзушылық туралы кодексінің 597-бабының 1-бөлігіне сәйкес құқықбұзушылық деп танылады.

Шығыс Қазақстан облысында аталған бап бойынша құқықбұзушылықтар тіркелмеген.