Өскемен қаласының тұрғындары мен қонақтары бүгін облыс орталығының бірнеше аумағында өткен жәрмеңкелерден сапалы өнімдерді қолжетімді бағамен сатып алу мүмкіндігіне ие болды. Ең ауқымды жәрмеңке дәстүр бойынша «Алтай» көтерме-тарату орталығы алаңында өтті. Мұнда Марқакөл ауданының ауыл шаруашылығы тауар өндірушілері ет, сүт өнімдері мен бал ұсынды, деп хабарлайды Altainews.kz.

Айта кетейік, осы аптада «Туған жер – алтын бесігім!» жобасы аясында Шығыс Қазақстан облысының орталығында Марқакөл ауданының мәдени күндері өтуде. Кеше облыстық филармония фойесінде ауданның тарихы мен тыныс-тіршілігін танытатын көрмелер ашылып, шығармашылық ұжымдар әсерлі концерт қойды. Ал бүгін марқакөлдік шаруалар өз өнімдерін жәрмеңкеге шығарды.

Аудан өндірушілері жәрмеңкеге ерекше дайындықпен келген. Ұйымдастырушылардың айтуынша, жаңа құрылған Марқакөл ауданы жәрмеңкеге мұқият дайындалған. Өз өнімдерін Марқакөл, Қалжыр, Ақбұлақ, Боран және Төсқайың ауылдық округтеріндегі алты шаруашылық ұсынды.

Жәрмеңкелер қаланың бес ауданында ұйымдастырылды. Өскемендіктер үшін өнімді сатып алуға міндетті түрде «Алтай» орталығына барудың қажеті болмады, өйткені бүгін қаладағы бірнеше шағын ауданда да жәрмеңкелер өтті. Қала мен жақын аудандардың тауар өндірушілері өнімдерін бес алаңда саудалады.

Сауда таңғы 8:00-ден 15:00-ге дейін мына орындарда жүргізілді:

• ТД «ДосНар» (Виноградов көшесі, 17а)

• ТД «Керуен» (ЖМК ықшам ауданы, Өтепов көшесі, 3)

• ТД «Валентина» (Согра шағын ауданы, Б.Шаяхметов көшесі, 13)

• Теміржолшылар паркі маңы (Защита шағын ауданы, Тынышпаев көшесі, 122)

Қолайлы баға – бұл жәрмеңкелердің басты артықшылығы.

Ал шошқа етін сатқан Алексей Загородский келісін 2300–2400 теңгеден сатып отыр екен.

«ДосНар» маңындағы жәрмеңкеде үй құстары ерекше сұранысқа ие болды. Ұлан ауданынан келген кәсіпкер қаз-үйрек, тауықтар жақсы өткенін айтады.  

Өскемендік тұтынушы Игорь Черкасов та мұндай жәрмеңкелердің өзіне ұнайтынын айтып ағынан жарылды.

Дмитрий Чжан 

Фото: Жібек Нұрахмет