Құрметті облыс орталығының тұрғындары мен қонақтары!

Сіздерді «Туған жер - Алтын бесігім» жобасы аясында өтетін Күршім ауданының мәдени күндеріне арналған іс-шараларға шақырамыз!

1 қараша күні сағат 18:00-де «Ертіс» концерт залында Күршім мен Марқакөл аудандарының өнерпаздары Гала-концерт ұсынады. Сонымен қатар, қала тұрғындары мен қонақтарына қолөнер шеберлерінің көрмесі ұйымдастырылады.

2 қараша күні таңғы сағат 8:00-ден бастап Жібек жолы даңғылы, 44 мекенжайында орналасқан «Алтай» жаңа көтерме-бөлшек сауда орталығында Күршім мен Марқакөл аудандарының ауыл шаруашылығы өнімдерінің жәрмеңкесі өтеді.

Күршім өнерін тамашалап, арзан бағамен ауыл шаруашылығы өнімдерін сатып алуға асығыңыздар!