Өскемен іргесіндегі шошқа фермасының проблемасы әлі шешілмей тұр
Фото: Степное ауылы тұрғындарынан
Степное ауылы тұрғындарының айтуынша, аталған ферма иеслері әкелі-балалы Борис пен Алексей Митиндер осының алдындағы екі соттың да шешімін місе тұтпай отыр.
Ал ауа райы болса, күн санап ысып келеді. «Тағы былтырғыдай жаз бойы қорсылдақтың қорасынан шыққан жағымсыз иіске тұншығамыз ба?» деп алаңдаған тұрғындардың бар үміті жергілікті әкімдік пен бұқаралық ақпарат құралдарында, деп хабарлайды Аltaynews.kz тілшісі.
Оның сөзін ауылдасы, жиырма жылдан астам осы ауылда тұрып жатқан Желтоқсан ардагері Жанар Оспанова да қолдайды.
Өз кезегінде осыдан жарты айдай бұрын Степное ауылы тұрғындары фермаға қатысты арыз-шағымдарын жазып, жүзден аса адам қол қойып, облыстық әкімдік пен облыстық прокуратураға да апарып тапсырған. Бірақ тіркелгенімен, әлі нақты жауап келмеген.
Сонда «Борис пен ұлы Алексей Митин есімді ферма иелерінің кімге арқа сүйеп, заңды сот шешімін белден басып жүргені, ешкімді пысқырмағаны қалай? Оның тұрғындар мүддесін аяққа таптап, мұншама еркінсіп, тайраңдауына қалайша жол беріп отырмыз?» деген сұрақ әлі де басы ашық күйінде қалып отыр. Жергілікті билік бұл мәселеге қатысты дұрыс шешім қабылдайды деп сенеміз. Бұл мәселе алдағы уақытта да сайт редакциясының бақылауында болады.