Құрметті жерлестер! Қадірлі Ұлы Отан соғысының ардагерлері мен тыл еңбеккерлері! Сіздерді 9 мамыр – Жеңіс күнімен шын жүректен құттықтаймыз! Бұл – елі мен жері үшін жанқиярлық танытып, Отан алдындағы борышын адал атқарған ардагерлерімізді құрметтейтін ұлық мереке. Адамзат тарихындағы ең сұрапыл соғыста батырлықтың өлшеусіз үлгісін танытқан жауынгерлер рухының алдында тағзым етіп, басымызды иетін күн. Ардагерлерге құрмет көрсету, олардың ерлігін жас ұрпаққа үлгі-өнеге ету – біздің парызымыз. Аға буын ардагерлер танытқан қаһармандық пен қайсарлыққа толы күн тарихымыздың мәңгілік ұмытылмас парағы болып қала бермек. Егемен еліміздің аспаны ашық, бейбіт өмірі баянды болсын! Ұлы Жеңіс күні құтты болсын!