Бүгін Күршім ауданында Бұқтырма су қоймасы арқылы өтетін жаңа көпірдің ресми ашылуы өтті. Қазақстан Республикасы Көлік министрлігінің мәліметінше, көпірдің бақылау-өткізу бекетінде жүк көліктерінің көптігіне байланысты көпір тіректеріне түсетін салмақты реттеу үшін жақын арада автоматтандырылған өлшеу жүйесі орнатылады. Рұқсат етілген ең жоғарғы салмақ – әр оське 25 тонна. Бұл салмақтан асатын көліктер көпірге жіберілмейді. Бұл талаптардың орындалуын көлік бақылау өкілдері қадағалайтын болады, деп хабарлайды Altainews.kz тілшісі.

Көпірдің ашылуы өңірдегі көлік қатынасын едәуір жақсартып, жолаушылар мен жүк тасымалдаушылар үшін жол уақытын қысқартуға, сондай-ақ Шығыс Қазақстан облысының бірнеше аудандарының экономикалық дамуына ықпал ететіні күтілуде.