12 маусымда сағат 17:50 шамасында Бородулиха ауданындағы Жаңа Үлбі ауылы Киров көшесінде полицейлер 3 жыл мерзімге көлік құралдарын басқару құқығынан айырылған Бородулиха ауданының 26 жастағы тұрғынын тағы да мас күйде ұстады.

Көлік жүргізушісі уақытша ұстау изоляторына қамалды.

Аталған оқиға бойынша бірқатар сот сараптамалары тағайындалды.

- Аталған факті бойынша ҚР ҚК-нің 346 - бабы 1-бөлігі (көлік құралдарын басқару құқығынан айырылған және масаң күйде болған адамның көлік құралын басқаруы) бойынша сотқа дейінгі тергеу жұмыстары басталды, - деп хабарлайды ШҚО ПД баспасөз қызметі. 

Осы қылмыстық құқық бұзушылықты жасағаны үшін жүргізуші 5 жылға дейін бас бостандығынан айыру және көлік құралын жүргізу құқығынан өмір бойына айыру жазасы қарастырылып отыр.

Сотқа дейінгі тергеу амалдары жалғасуда.