Калифорнияда орын алған орман өрттерінің салдарынан қаза тапқандар саны 24-ке жетті. Бұл туралы ABC News Лос-Анджелес округінің медициналық сараптама кеңсесінің мәліметінде айтылды,- деп хабарлайды Altainews.kz тілшісі Kazinform.kz порталына сілтеме жасап.

Хабарламада Итондағы өрттен 16 адамның, ал Палисейдстегі өрттен 8 адамның қаза тапқаны расталғаны айтылған.

Еске салсақ, бұған дейін Лос-Анджелестегі орман өртінен мерт болғандар саны 16 адамға жеткені туралы хабарланған болатын.

Калифорниядағы бұл орман өрттері өңірдегі мұнай мен газдың жеткізілуіне де қауіп төндіруде. Жергілікті билік тұрғындардың қауіпсіздігін қамтамасыз ету мақсатында өртке байланысты бірнеше ауданнан тұрғындарды эвакуациялады.

Сонымен қатар, жұма күні кешкісін Тынық мұхиты жағалауындағы Палифик-Палисейдс және Итон аудандарында коменданттық сағат енгізілді. Ол сағат 18.00-ден таңғы 6.00-ге дейін күшінде болады.