6 мамыр күні қала әкімдігі волонтерлік ұйымдармен бірге «Тазалық ойындары» экосенбілігін өткізеді.

Үлбі жағалауының бойын, яғни Астана көшесі, 48/1 мекенжайынан төменге қарай аумақты тазарту жұмыстары жүргізіледі. Сенбілік интерактивті ойын түрінде ұйымдастырылған, деп хабарлайды Altaynews тілшісі.

Ниет білдірген кез келген азамат қатыса алады.

Шараға жиналу сағат 10.00-де Астана көшесі, 48/1 мекенжайында басталады. Тазалық жұмыстарына арналған құрал-жабдықтар мен қолғаптар сол жерде беріледі. Қатысушыларға сыйлықтар, сувенирлер және тегін палау таратылады.