Өскеменде көмір сатыла бастады
Сурет автордікі
Қала әкімдігі күзде кезек көбейіп, мәселе туындамас үшін тұрғындарды қазірден бастап көмір сатып алуға шақырады.
Қазіргі уақытта көмір бағасы бір тонна үшін 14 000 теңге болса, әлеуметтік көмір – 13 500 теңгеден, деп хабарлайды Altaynews тілшісі.
Облыс орталығына қазір көмір жеткізіліп жатыр. Жақында Өскемен қаласының әкімдігі, «Қаражыра» АҚ және ардагерлер қоғамдық бірлестігі үшжақты меморандумға қол қоймақ.
Шаhар басшысының айтуынша, қалада әлеуметтік көмір алатын 5646 отбасы бар. Оларға ЦТУ филиалдары арқылы қатты отын жеткізілетін болады.
Айта кету керек, облыс орталығынан көмірді тек шаhар тұрғындары ғана емес, Глубокое, Ұлан, Самар және т.б. аудандар да алады.