17-19 шілде аралығында Өскемен қаласының аумағында "Түнгі қаладағы балалар" жедел-профилактикалық шарасы өтті.

Шараның үш күнінде 85 әкімшілік құқық бұзушылық анықталған, деп хабарлайды Altaynews тілшісі.

Тәртіп сақшылары шара аясында ойын-сауық орындарын (ойын клубтары, кафе, түнгі клуб, тәулік бойы жұмыс істейтін дүкендер мен супермаркеттер және т.б.), көшелер мен аулаларды тексеріп, спорт-жаттығу алаңдарын, оқу орындарының аумағын, саябақтарды аралады.

Осы уақыт ішінде 85 әкімшілік құқық бұзушылық анықталды. Өз міндеттерін тиісінше орындамағаны үшін ҚР ӘҚБтК-нің 127-бабы бойынша 3 заңды өкіл әкімшілік жауапкершілікке тартылды.

Кәмелетке толмаған адамның заңды өкілінің еріп жүруінсіз түнгі уақытта ойын-сауық мекемесінде болуына жол бергені үшін ҚР ӘҚБтК 132-бабы бойынша 1 мекеменің иесі әкімшілік жауапкершілікке тартылды.

Сонымен қатар ҚР ӘҚБтК 442-бабы бойынша 60 ата-ана әкімшілік жауапкершілікке тартылды, ҚР ӘҚБтК 434-бабы бойынша 2 дерек, 437 бабы бойынша 1 факт, 440-бабы 1-бөлігі бойынша 1 дерек, 492-бабы 1-бөлігі бойынша 9 дерек және өзге де құқық бұзушылықтар бойынша 8 дерек тіркелген.

Өскемен қаласының ПБ дерегінше, кәмелетке толмағандарды бейімдеу орталығына бір бала орналастырылды.

Кәмелетке толмаған 6 бала есепке қойылды, алдын алу есебіне 6 қолайсыз отбасы қойылған көрінеді.