ШҚУ-да сыбайлас жемқорлық туралы акция өтті
Фото: gov.kz
1 қыркүйекте С.Аманжолов атындағы ШҚУ-да «Адалдық сағаты» акциясы өтті. Жиынға ШҚО сыбайлас жемқорлыққа қарсы қызметінің басшысы Денис Шакенов, ШҚУ ректоры Мұхтар Төлеген, оқу орнының оқытушылары мен студенттер қатысты.
Шарада сыбайлас жемқорлыққа қарсы заңнаманың негізгі нормалары түсіндіріліп, «Сыбайлас жемқорлыққа қарсы волонтерлік» жобасы туралы ақпарат берілді, деп хабарлайды Altaynews тілшісі.
– Бұл жобаның мақсаты – сыбайлас жемқорлыққа қарсы қызметке бейжай қарамайтын азаматтарды, қоғамдық бірлестіктер мен бизнес субъектілердің өкілдерін және жастарды волонтер ретінде тарту. Бүгінгі аудиторияны пайдалана отырып, сіздерді белсенді азаматтық ұстаным танытуға және осы жобаға қатысуға шақырамын. Осылайша, еліміздегі сыбайлас жемқорлыққа қарсы іс-қимылға өз үлестеріңізді қоса аласыздар, – деп атап өтті Денис Владимирович.
Жиынға қатысушылар түрлі сұрақ қойып, департамент басшысының жауабын алды.
Оқи отырыңыз
