Өскеменде трамвай қозғалысы уақытша тоқтайды.

Трамвай жолының бір бөлігін жөндеу мен жаңартуға байланысты қозғалыс уақытша тоқтайды, деп хабарлайды Altaynews тілшісі.

Үлбі көпіріндегі трамвай жолын жөндеу мен жаңартуға байланысты алдағы 10 күн бойы, 4-13 қыркүйекте трамвай қатынамайды. Көпірдегі трамвай жолдары соңғы рет 1993-1995 жылдары жөнделген. Өскемен қаласы көлік компанииясының дерегінше, трамвай жолының аталған бөлігі тозып, апаттық жағдайға жеткен көрінеді.