Өскеменде Республика күніне арналған шаралар легі басталды
Облыс орталығындағы Оралхан Бөкей атындағы қалалық кітапханада Республика күніне арналаған шаралар легі басталып кетті.
Кітапханада 16-24 қазан аралығында түрлі көрмелер, викториналар және басқа да іс-шаралар ұйымдастырылмақ, деп хабарлайды Altaynews тілшісі.
Бүгін аталмыш кітапханада еліміздің даму жолы баяндалған кітап көрмесі ашылды. Яғни қазақ хандығынан бастап, бүгінгі күнге дейінгі тарихи оқиғалармен осы кітап көрмесінде танысуға болады.
– Көрме бірнеше бөлімге бөлінген. Бірінде хандар мен билерден бастап, мемлекетіміздің толықтай тарихы, екіншісінде еліміздің дамуына өз үлестерін қосқан қайраткерлер туралы болса, үшіншісі спорт пен ғарыш саласындағы жетістіктерге арналған. Сондай-ақ өнер мен мәдениет тақырыбында да арнайы бір бөлім бар. Соңғы екі бөлімге батырлар мен Мұхтар Әуезов, Ілияс Есенберлин және басқа да белгілі қаламгерлердің туындыларын қойдық, – дейді кітапхана қызметкері Руслан Бабиров.
Кітап көрмесінен басқа, қонақтарға интерактивті ойындар да ойнатылады. Онда оқырман Қазақстанның киелі жерлері бойынша карталар жасауы қажет.
#republicdaykz #kzdayrepublic
Оқи отырыңыз
