Өскеменде тіркемелері бар көлік құралдарына шектеу енгізіледі
Өскеменде ауа райының күрт нашарлауына байланысты Защита жол өтпесінде бірқатар көлік құралдарының қозғалысына шектеу енгізіледі.
1 қарашадан бастап аталған жол учаскесіне тиісті белгілер орнатылады, деп хабарлайды Altaynews тілшісі.
Естеріңізге сала кетейік, синоптиктердің болжамына сүйенсек, алдағы күндері өңірде күн суытып, қар жауады.
- Облыс орталығындағы Защита жол өтпесінде тіркемелері (жартылай тіркемелері) бар көлік құралдарының қозғалысы үшін уақытша шектеулер енгізілетінін де хабарлаймыз. 1 қарашада тиісті белгілер орнатылады, - дейді ШҚО ПД жол-техникалық инспекциясы бөлімінің бастығы Сергей Коваленко.
Сондай-ақ тәртіп сақшылары жүргізушілерге қысқы кезеңге дайындалып, дөңгелектерін ауыстыру керектігін ескертті.
Оқи отырыңыз
