Өскемендегі ауған соғысының ардагерлері автобуспен тегін қатынай ала ма?
Өскемен қаласының әкімі Жақсылық Омар азамарттарды әртүрлі мәселелері бойынша кезекті қабылдауын өткізді.
Кездесуге келген ауған соғысы ардагерлері интернационалист жауынгерлердің автобуспен тегін немесе жеңілдікпен жүруі жөнінде бастама көтерді, деп хабарлайды Altaynews тілшісі.
Өз кезегінде шаhар басшысы олар қоғамдық көлікпен тегін жүрсе қаладағы халықтың әлеуметтік осал топтарының өкілдері наразылық білдіруі мүмкін екенін атап өтті.
Алайда, ол ардагерлердің ұсыныстарын қарастыруға уәде берді.
- Бұл мәселені алдымен заңнамалық тұрғыдан қарастырып, қажетті қаржыландыру көлемін ескере отырып зерделеу керек, - деді Жақсылық Мұқашұлы.
Сондай-ақ келесі жылы Ауған жерінен кеңес әскерлерінің шығарылғанына 35 жыл толмақ. Айтулы мереке қарсаңында өткізілетін іс-шаралар кешені де кездесу барысында талқыланды.
