Өскеменде көлігіне жалған нөмір таққан жүргізуші қамауға алынды
Фото: halyq-uni.kz
Облыс орталығында жалған нөмірмен жүрген көлік жүргізушісі қамауға алынды.
«Құқықтық тәртіп» жедел-профилактикалық іс-шарасын өткізу барысында тәртіп сақшылары шетелдік нөмір таққан "Hyundai Sonata" маркалы автокөлігін тоқтатқан, деп хабарлайды Altaynews тілшісі.
Құжаттарын тексеру барысында мемлекеттік тіркеу нөмірінің жалған екені анықталды.
- 24 жастағы жүргізушіге қатысты ҚР ӘҚБтК-нің 590-бабы 4-бөлігі "Көрінеу жалған немесе жалған нөмірлік белгілері бар көлік құралын басқару" бойынша хаттама толтырылды. Мамандандырылған әкімшілік соттың шешімі бойынша жүргізуші бір тәулікке қамауға алынып, 1 жыл мерзімге көлік құралын басқару құқығынан айырылды, - дейді ШҚО ПД баспасөз қызметі.
Қазіргі уақытта көлік айып тұрағына қойылды.
Полиция қызметкерлері тұрғындарды жол жүру ережелерін қатаң сақтауға шақырады.
Оқи отырыңыз
ШҚО-да жалған нөмір таққан, 2 млн теңгеден аса айыппұлы бар жүргізуші ұсталдыӨскеменде мас күйде көлік басқарған жүргізушілер анықталдыРесейде тіркелген көлікке жалған нөмір жапсырып алғандар ұсталып жатырӨскеменде мас күйде көлік басқарған 2 жүргізуші анықталдыКөлік жүргізу құқығынан айырылған жүргізуші жолда тоқтатылды – ШҚО
