Ертең «Алтай» көтерме-тарату орталығында дәстүрлі жәрмеңке өтеді. Қала тұрғындары жергілікті өндірушілердің сапалы әрі табиғи өнімдерін сатып ала алады, деп хабарлайды Altainews.kz тілшісі.

Бұл туралы Өскемен қаласы әкімдігі хабарлады. Жәрмеңке 10 қаңтар, сенбі күні «Алтай» көтерме-тарату орталығының аумағында (Жібек жолы көшесі, 44) сағат 08:00-ден 14:00-ге дейін өтеді.
Ауылшаруашылығы өнімдерінің жәрмеңкесіндеде қолжетімді бағада сиыр еті, жылқы еті, қой еті, шошқа еті, сондай-ақ шұжық және сүт өнімдері кең көлемде ұсынылады.