Шығыс Қазақстан облыстық өнер музейінде өскемендік суретші, сәулетші, плакат графикасының шебері Василий Бильковтың «Айналамыздағы гүлдер» атты жеке көрмесі ашылды. Көрменің ерекшелігі – көрерменіне философиялық ой салады, шығармаларды  тек өнер туындылары деп қабылдамай, өзіндік ой түюге, қоршаған ортадан әдемілікті көруге үйретеді, деп хабарлайды Altaynews.kz тілшісі.

Көрмедегі авангардтық стильге жақын 42 туындының барлығында гүлдер бейнеленген. Бұл көрмеден Белуха етегінде гүлдеп тұрған биологиялық бақ ирисін, дала түймедақтарын немесе шөмішгүлге ұқсас «портреттерді» таба алмайсыз. Себебі, Василий Витальевич бізге техногендік өркениетің ең күтпеген элементтеріндегі гүлдердін бейнесін («Асфальттағы гүл», Қазақстанның мәдени бренді «Шаңырақ гүлін» ұсынады. Суретші стақанға салынған қарындаштардың жиынтығынан да, ұшып жүрген көбелектерден де гүлді көреді. Бұл көрмені көргеннен кейін сіздің ойыңыз міндетті  түрде өзгеретіне сенімдіміз. Сіз сондай-ақ, жартастан аязды терезе әйнегінен гулдердің бейнесін іздеуді үйренесіз.

Василий Бильковтың шығармашылығын тек бейнелеу өнерінің шеңберінде ғана қарастыруға болмайды. Бұл көрмеде оны фотограф, плакаттар мен ребустардың шебері, суретші, акын және философ деп атауга болады. Ол - әр заманның халық ойшылдарының нақыл сөздерін жинақтаушы. Оның туындылары сөзбен емес, түрлі-түсті кескіндермен жазылган мәтіндерге толы. Автордың өзі  «Айналамыздағы гүлдер» деп атаған фотосуреттері мен тундылары натюрморт жанрына мүлде жатпайды. Вернисаждағы шығармалар жұмбақ, философиялық поэзияның әдеби жанрларында жасалган. Автор шығармаларын көрермендердің өздері түсінуін  қалайды.

Көрме 2024 жылдың 26-ақпанына айына дейін жұмыс істейді.

Фото: Валерий Шведов