Жылыту маусымына дайындалмаған әкімнің орынбасарын жазалау ұсынылды
Фото: egemen.kz
Кәсіпкерлік кодекстің қолданыстағы шектеулері энергия нысандарын толыққанды бақылауды жүзеге асыруға мүмкіндік бермейді.
Бұл туралы Жоғары аудиторлық палата төрағасы Наталья Годунова айтты, деп хабарлайды Altaynews Қазақпарат агенттігіне сілтеме жасап.
Төраға бұл мәселені Мәжілістің жалпы отырысында жылумен жабдықтау саласындағы аудиторлық іс-шараның қорытындысын талқылау кезінде көтерген.
– Жылу беру маусымына дайындық кезінде энергия объектілеріне тікелей баруды ескеретін тексерулер жүргізу бөлігінде Кәсіпкерлік кодекстің қолданыстағы шектеулері энергия нысандарын толыққанды бақылауды жүзеге асыруға мүмкіндік бермейді. Сондықтан бақылау мен қадағалауды жүргізудің жалпы тәртібінен жылу энергетикасы саласындағы мемлекеттік бақылауды шығару қажет деп санаймыз (Кәсіпкерлік кодекстің 129-бабы), – деді Н. Годунова.
Төраға Әкімшілік құқық бұзушылық туралы кодексте жылу беру маусымына дайындықты тиісті деңгейде жүргізбеу және дайындық барысындағы заңсыздықтар үшін лауазымды адамдардың (әкім орынбасарынан төмен емес) және энергетика нысандары бірінші басшыларының жауапкершілігін регламенттеу керектігін атап өтті.
Оқи отырыңыз
