ҚР Премьер-Министрі Әлихан Смайылов Үкімет отырысында жылыту маусымына дайындық нашар жүргізіліп жатқанын айтты.

Премьер-Министр жаз біткенше жағдай жақсармаса, жауапты тұлғаларға қатысты кадрлық шешім қабылданатынын мәлімдеді, деп хабарлайды Altaynews тілшісі primeminister.kz ресурсына сілтеме жасап.

Әлихан Смайылов жылу желілерін жөндеу жұмыстарының қарқыны өте баяу екенін атап өтті. Қазіргі таңда 47 жобаның 30-ында ғана жұмыс жүріп жатыр. Оның айтуынша, желілерді техникалық тексеру жұмыстары да біткен жоқ. Үкімет басшысының пікірінше, уәкілетті орган мен әкімдіктердің арасында үйлестірудің жоқтығынан осындай кемшіліктер туындаған.

Үкімет басшысы Энергетика министрлігі өңір әкімдерімен бірлесіп жылу көздерінің жөндеу мерзімін ауыстырмай, жылыту маусымына толық дайындықты қамтамасыз етуі, Индустрия министрлігі өңір әкімдерімен бірлесіп, жылу желілеріндегі жөндеу жұмыстарын аяқтау үшін барлық қажетті шараларды қабылдауы тиіс екенін атап көрсетті.