ҚР Ауыл шаруашылығы министрі Айдарбек Сапаров биылғы егін науқанын қорытындылап, қандай дақылдар мен көкөністер жиналғанын айтып берді.
Биыл 11,4 млн тонна бидай бастырылған екен, деп хабарлайды Altaynews Kazinform агенттігіне сілтеме жасап.

Дақылдар бөлінісінде бидай жиналатын алаң 13,4 млн гектарды құрайды, оның 11,4 млн тоннасы бастырылды.

Майлы дақылдар 1,9 млн гектар немесе 68%-ды көрсеткен, қазіргі уақытта 1,6 млн тонна май тұқымы жиналды. Оның ішінде күнбағыстың орташа өнімділігі 11,6 ц/га болып, 747,5 мың тоннасы бастырылған.

Картоп 168,8 мың га аумақтан толығымен жиналып, 3,5 млн тоннаны құраған.

Көкөніс дақылдары 162,4 мың га алаңнан жиналды, жалпы алым 4,3 млн тоннаға жеткен.

Бұған дейін Ауыл шаруашылығы министрі биылғы жыл фермерлер үшін оңай болмағанын, негізгі астық егетін өңірлерде нөсер жаңбыр 25 күннен асқанын айтқан еді.