Мектеп түлектеріне ақша жинауға, банкет ұйымдастыруға тыйым салынады
Фото: orda.kz
Барлық қазақстандық мектептерде оқу жылының аяқталуына арналған бірыңғай сынып сағаты өтеді.
Биылғы оқу жылын 3,8 млн-нан астам оқушы аяқтайды, оның 186 мыңы - мектеп түлектері, деп хабарлайды Altainews.kz сайты Оқу-ағарту министрлігінің баспасөз қызметіне сілтеме жасап.
Айта кетсек, оқу жылының ұзақтығы 34 апта болды.
- Су тасқынынан орын алған жағдайға және 25 мамырдың демалыс күніне сәйкес келуіне байланысты 24 мамыр күні барлық мектептерде сабақта 2023-2024 оқу жылының аяқталуына арналған сынып сағаты ұйымдастырылады. Онда сынып жетекшілері оқушылармен бірге өткен оқу жылын қорытындылайды, - деп атап өтті Тәрбие жұмысы және қосымша білім беру департаменті директорының орынбасары Қарлығаш Құрманбекова.
11 (12) сынып түлектеріне аттестат тапсыру және ерекше үлгідегі «Алтын белгімен» марапаттау 12-15 маусым аралығында мектептердегі барлық емтихандар аяқталғаннан кейін өтеді.
Сондай-ақ 9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
Оқи отырыңыз
Соңғы қоңырау кезінде қандай қауіпсіздік шаралары сақталуға тиіс?Бүгін: мектептерде соңғы қоңырау онлайн режимде өтедіАттестат беру іс-шарасының өткізілу күні мен емтихан уақыттары белгілі болдыБітіру кештері тек мектеп қабырғасында ғана өткізіледіБиыл Өскеменде бірінші сынып бітіргендердің саны мектеп түлектерінен 3 есе артық
