Жүк көліктерінің елді мекен ішінде жылдамдықты сағатына 50 шақырымнан асыруына тыйым салынады
Фото: egemen.kz
Ішкі істер министрлігі ауыл, қала ішінде жүк көліктерінің рұқсат етілген жылдамдығын сағатына 60 шақырымнан 50-ге дейін азайтуды жоспарлап отыр, деп хабарлайды Altainews.kz тілшісі Informburo.kz порталына сілтеме жасап.
Министрліктің түсіндіруінше, жүк көліктерінің қатысуымен болған жол-көлік апаттарының зардабы бірнеше есе ауыр. Сондықтан мұндай жол апаттарының санын азайту мақсатында осындай норма енгізілмек.
- Жол көліктері сағатына 50 километр жылдамдықпен жүрген жағдайда өлім мен жарақат көрсеткіштері айтарлықтай төмендейді. Дүниежүзілік денсаулық сақтау ұйымының статистикасы бойынша, жылдамдық режимін сағатына 50 километрге дейін төмендету жол-көлік оқиғасы кезінде өлім ықтималдығын 25 пайызға төмендетеді, аман қалу мүмкіндігін арттырады, – делінген Ішкі істер министрлігінің түсіндірме жазбасында.
Еске салайық, өткен жылы автобустардың қозғалысы да дәл осылай, сағатына 60 шақырымнан 50-ге дейін шектелген болатын.
Оқи отырыңыз
