Қазақстанның Су және ирригация министрлігі Төтенше жағдайлар министрлігі мен жергілікті атқарушы органдармен бірлесіп, ел аумағындағы 1502 гидротехникалық құрылысқа тексеру жүргізді,- деп хабарлайды  Altainews.kz  тілшісі.

Бұл жұмыстар көктемгі су тасқыны кезеңіне дайындық шеңберінде ұйымдастырылды. Зерделеу барысында анықталған кемшіліктер бойынша гидротехникалық құрылыстардың иелеріне қажетті ұсыныстар берілді.

Қазақстанда 8 бассейндік инспекция жұмыс істейді:

• Арал-Сырдария;
• Балқаш-Алакөл;
• Ертіс;
• Есіл;
• Жайық-Каспий;
• Нұра-Сарысу;
• Тобыл-Торғай;
• Шу-Талас.

Су ресурстарын реттеу, қорғау және пайдалану комитеті төрағасының м.а. Гүлмира Имашеваның мәлімдеуінше, барлық су қоймалары бекітілген кестеге сай жұмыс істеп жатыр. Су тасқынына қатысты болжамдарға байланысты жоспарлар түзетілуде.

Бұл шаралар елді мекендердегі қауіпсіздікті қамтамасыз етіп, су тасқынының алдын алуға бағытталған.