Президент Қасым-Жомарт Тоқаевтың бүгінгі Жолдауында жасанды интеллектті пайдалану арқылы ел экономикасын дамытуға басымдық берілді. Бұл бағыт халықтың әлеуметтік жағдайын жақсартып қана қоймай, экономиканың жаңа белестерге көтерілуіне жол ашпақ. 
Мемлекет басшысының бастамасына қатысты өз пікірін С. Аманжолов атындағы ШҚУ-дың экономикалық мәселелер және цифрландыру жөніндегі проректоры Ерхат Мұқажанов білдірді, деп хабарлайды Altainews.kz тілшісі.

Жалпы, бұл дамудың елімізге, халқымызға жаңа мүмкіндіктер берері анық. Экспорттық әлеует арта түскен кезде халықтың әл-ауқаты да жақсарады. Сонымен қатар инвестицияның өнеркәсіп пен өндіріс салаларына келуі еңбек өнімділігін арттырып, қосымша құнның өсуіне жол ашпақ. 

Жолдауда айтылған бастамалар еліміздің жаңа технологиялар дәуіріне бейімделіп, тұрақты дамуды қамтамасыз етуіне негіз болмақ. Сарапшылардың пікірінше, жасанды интеллект пен инвестициялық саясаттың ұштасуы Қазақстан экономикасына тың серпін береді.