Риддер әкімшілігі мүсіннің тағдырын шеше алмай әлек
Риддерде кеңестік мемлекет қайраткері Сергей Миронович Кировқа арналған мүсін менмұндалап тұр. Аттас көшеде орналасқан монументтің сыны кетіп, бастапқы қалпын жоғалтқан.
Кей жерінің бояуы кеткен мүсіннің негізі де оңып тұрған жоқ, ол да бүлінген, деп хабарлайды Altaynews тілшісі.
Қала әкімдігі ескірген мүсіннің алдағы жайын шеше алмай отыр. Әкімдік өкілдері мүсінді қалыпқа келтіру немесе бөлшектеу жолының шешімін іздеп әлек болған.
– Қазір бұл мәселенің шешімін іздеп жатырмыз. Ескерткішті толықтай бөлшектеуге тура келуі де ықтимал. Жақында Өскеменнен скульптор Ирдан Гайсин келіп, ескерткіштің жай-күйін көрді. Оның сөзінше, мүсінді қалыпқа келтіру қиын, себебі сызат пен қирау мүсін құрылымының ішінде де пайда болған, – дейді Риддер қалалық ТҮКШ, жолаушы көлігі және автомобиль жолдары бөлімінің басшысы Қайрат Шаяхмет.
Ескерткішті қалыпқа келтіру үшін қала бюджетінен қанша қаражат жұмсалуы мүмкін екендігін әкімдік мүсіншімен бірлесіп есептейді. Содан кейін ғана түпкілікті шешім шығарады.
Оқи отырыңыз
Алтай қаласының қақ ортасына Зыряновтың ескерткіші қойылатын болдыӨскемендегі «Абайдың алба-жұлба ескерткіші» реставрацияға жіберілдіӨскеменде Бари Алибасовтың аяғы жоғалып кеттіСемейдегі Мәншүк Мәметованың ағаш мүсіні елдің күлкісін келтірдіМәншүк Мәметованың ағаш мүсіні енді балабақшаның ауласына қойылған ба?
