Қазіргі таңда ШҚО ТЖД өрт сөндіру бөлімшелері күшейтілген режимде жұмыс істейді. Демалыс күндері облыста мамықтың өртенуіне қатысты 5 оқиға тіркелген. Өрт сөндірушілер қазіргі таңда күніне 15-20 шақты шөп өртін сөндіретін көрінеді.

ТЖД мамандарының айтуына қарағанда от жалынының үлкен аумаққа тез таралуы өрт сөндіруді күрделендіре түседі, деп хабарлайды Altaynews тілшісі.

ШҚО ТЖД қауіпсіздік ережелерін еске салады. Мамандардың дерегінше, теректің мамығы шамалы шоқтан тұтанып, жоғары жылдамдықпен және үлкен қарқынмен жанады. Тұрғындар от жаққанда абай болуы керек.

Аула, жаяу жүргіншілер жолы, гараждарды мамықтан арылтып, су себу қажет. Темекі тұқылын лақтыруға болмайды.

Өрт тұтанған жағдайда «101» немесе «112» телефон нөміріне хабарласу қажет.