13 маусымда Өскемен қаласында Дүниежүзілік қоршаған ортаны қорғау күніне орайластырылған «Табиғатты аяла» қалалық байқауы тәмамдалды. Байқауға плакаттар мен бейнероликтер ұсынылды.

Байқауға қаладағы мектептердің 5-8 сынып оқушылары қатысты, деп хабарлайды Altaynews тілшісі.

Жарыс өскелең ұрпақ санасында қоршаған ортаға қамқорлық жасаудың негізгі қағидаттарын қалыптастыруға, экологиялық мәдениетті дәріптеуге, туған өлке табиғатын аялауға баулуға бағытталған.

Жеңімпаздар мен жүлдегерлерге арнайы сыйлықтар табысталды.