ШҚО-да су және ауа сынамалары талапқа сай келмейді
Фото: egemen.kz
ШҚО санитариялық-эпидемиологиялық бақылау департаменті облыста талапқа сай келмейтін су және ауа сынамалары анықталғанын жариялады.
Алынған су сынамаларының 4,8% гигиеналық нормативтерге сәйкес келмейтіні анықталды, деп хабарлайды Altaynews тілшісі.
Биылғы бірінші жартыжылдықта ШҚО санитариялық-эпидемиологиялық бақылау департаментінің мамандары су құбырынан 1144 су сынамасын алып, зерттеген. Микробиологиялық көрсеткіштер бойынша зерттелген сынамалардың 56-сы (4,8%) гигиеналық нормативтерге сәйкес келмейтіні анықталған. Ал санитариялық-химиялық көрсеткіштер бойынша талданған 1115 сынаманың 31-і (2,7%) талапқа сай келмейтіні анықталды.
Бірінші жартыжылдықта ШҚО санитариялық-эпидемиологиялық бақылау департаменті аумақтық басқармаларының мамандары атмосфералық ауаның 11 507 сынамасын зерттеді. Санитариялық-химиялық көрсеткіштер бойынша зерттелген үлгінің 1%-да ауытқу анықталған.