Өңірде қалыптасқан ыстық ауа райына байланысты ШҚО ТЖД құтқарушылары, ШҚО бойынша полиция және көліктік бақылау инспекциясының қызметкерлері демалу орындарында патрульдеуді күшейтті.

ШҚО ТЖД қызметкерлері жазғы кезеңнің басынан бері 3000-ға жуық патрульдік бақылау мен рейд жүргізді, деп хабарлайды Altaynews тілшісі.

Бұқтырма су қоймасында шағын көлемді кемелерде қауіпсіздік шараларын орындау және жүріс-тұрыс ережелерін сақтауға байланысты рейд жүргізілді.

ШҚО ТЖД қызметкерлері жүргізген рейд барысында 7 мыңнан астам демалушы қамтылды. Оларға су айдындарындағы тәртіп ережелері түсіндірілді. Құтқарушылар жазғы кезеңнің басынан бері патрульдеу барысында 7 адамның өмірін сақтап қалған.

Мамандар полиция қызметкерлерімен бірлесіп 76 құқық бұзушыны анықтаған.

Төтенше жағдай кезінде «112» нөмірі бойынша хабарлау қажет.