9 тамызға дейін ШҚО аумағында «Қазақстан оқушысы-2023» 53-ші көпкүндік дәстүрлі велосипед жарысы өтеді.  

Осыған байланысты бірқатар бағытта автокөлік қозғалысына шектеу енгізу жоспарланған, деп хабарлайды Altaynews тілшісі.

Шектеу енгізу кестесі мына ретпен жүргізіледі:

4 тамыз күні сағат 10.00-ден кейін Шешек-Тайынты ауылына бұрылыста, 5-6 тамыз сағат 10.00-ден кейін Каменный карьері-Северный кенті-Ушаново ауылы бағытында, 7 тамызда сағат 10.00-ден кейін Бобровка тасжолы-Нұртау бағыты, 8 тамызда 10.00-де Бобровка тасжолы-Северный кенті-Ушаново ауылы бағытында шектеу енгізіледі.

ШҚО ПД ұсынған дерекке сүйенсек, соңғы қатысушы аталған жол бөлігінен өткеннен кейін қозғалыс қалпына келеді.