Өскемен қаласында Назарбаев даңғылының бойындағы 4 қабатты тұрғын үйдің бірінші қабатында орналасқан дүкендердің бірінен өрт шықты.

Оқиға орнына жеткен өрт сөндірушілер 14 тұрғынды, оның ішінде 2 баланы эвакуациялады, деп хабарлайды Altaynews тілшісі.

Өрт сөндірушілер 10 шаршы метр аумақты шарпыған жалынды сөндірді. ШҚО ТЖД болжамы бойынша, өрттің шығуына электр сымдарын пайдалану кезінде қауіпсіздік ережелерін орындамау себеп болған.