ШҚО-да жыл басынан бері бруцеллез жұқтырудың 25 дерегі тіркелген
Фото: Шығыс ақпарат
Елде биылғы 8 айда бруцеллез жұқтырудың 479 дерегі расталды. ШҚО-да аталған кезеңде 25 жағдай тіркелген. Өткен жылдың сәйкес кезеңімен салыстырғанда ауру жұқтыру 1,6 есе өскен. Қазіргі таңда ШҚО аталған ауруды жұқтыру бойынша аймақтар арасында 6-орында.
Ауру жұқтыру облыстың 7 өңірінде анықталған, деп хабарлайды Altaynews тілшісі.
ШҚО СЭБД басшысының орынбасары Сәуле Сләмғазина бұл туралы Аймақтық коммуникациялар қызметінде өткен брифингіде айтты.
– Ауру жұқтыру облыстың 7 аумағында анықталды. Оның ішінде Зайсан ауданында – 8 жағдай, Тарбағатай ауданы мен Өскемен қаласында 5 жағдайдан, Күршім ауданында – 3 жағдай, Ұлан ауданында – 2 жағдай, Глубокий ауданында және Риддер қаласында 1 жағдайдан тіркелген. Аурудың өршуі тіркелген жоқ, – дейді Сәуле Сләмғазина.
Ал 14 жасқа дейінгі балалардың арасында 4 дерек тіркелген. Ол Зайсан, Күршім аудандары мен риддер қаласында.
Дерекке сүйенсек, ауру жұқтыру дерегінің басым бөлігі ауылдарда тіркелетін көрінеді. Дәлірек айтқанда, 19 жағдай немесе 76%-ы ауылдарға тиесілі.
Оқи отырыңыз
