Өскемендегі көтерме-тарату орталығының құрылысы қашан аяқталады?
Фото: Inbusiness.kz
Өскемен қаласындағы көтерме-тарату орталығының құрылысы жақын арада аяқталады.
"Ертіс" ӘКК" АҚ мәліметінше, қазір құрылыс жұмыстарының соңғы сатысында тұр, деп хабарлайды Altaynews тілшісі.
- Жібек маталар комбинаты ықшамауданында салынып жатқан көтерме-тарату орталығының құрылысы жақын арада аяқталады. Онда орталық ғимаратынын бөлек, 45 мың тонна көкөніс сиятын екі қойма болмақ. Оның бірі - көкөністерді ұзақ уақыт сақтауға арналған. Қоймалар толықтай дайын десек те болады, - деді "Ертіс" ӘКК " АҚ Активтерді басқару департаментінің директоры Алмас Көленкенов.
Жалпы нысандағы жұмыстарды жылдың төртінші тоқсанында аяқтау жоспарланып отырған көрінеді.
"Ертіс" ӘКК " АҚ бағаны тұрақтандыру департаментінің директоры Артем Демидовтың айтуынша, көтерме-тарату орталығы кәсіпкерлерге де үлкен көмек болмақ. Себебі қазір қалада өнімді ұзақ уақыт сақтауға мүмкіндік жоқ.
- Нысанда жеміс - көкөніс өнімдерін жаздың ортасына дейін сақтауға мүмкіндік беретін заманауи жабдықтар болады, - деп атап өтті ол.
Оқи отырыңыз
