«Ауыл Аманаты» мемлекеттік бағдарламасы аясында ШҚО Шемонаиха ауданының шаруалары мал шаруашылығы мен ара шаруашылығын дамытуға 45,0 млн теңге алды.

Бұл туралы Шемонаиха ауданының әлеуметтік-экономикалық дамуы жайлы брифинг кезінде айтылды, деп хабарлайды Altaynews.kz тілшісі.         

Шемонаиха ауданының әкімі Владимир Акуловтың айтуынша, биылғы 11 айдың қорытындысы бойынша өнеркәсіп өнімінің көлемі 114,0 млрд теңгені құрады. Оның ішінде тау-кен өндіру саласы – 83,3 млрд теңге, өңдеу саласы - 28,0 млрд теңге. Өңдеу саласы бойынша төмендеу себебі - Ресей өндірушілерінің арзан өнімдерінің нарыққа шығуына байланысты «Востоксельхозпродукт» ЖШС-де өсімдік майын өндіру көлемінің қысқаруы.

Биыл аудан экономикасына 27,4 млрд. теңге салынды, оның ішінде 24,4 млрд теңге – жеке инвестициялар.

Ауыл шаруашылығы өнімін шығару 48,5 млрд теңгені құрады, бұл көктемгі кезеңде жауын-шашынның болмауына және дәнді, бұршақты дақылдардың күтілетін өнімінің алынбауына байланысты өткен жылғы деңгейден төмен.

Биыл «Ауыл Аманаты» мемлекеттік бағдарламасы шеңберінде шаруашылықтар мал шаруашылығы мен ара шаруашылығын дамытуға 45,0 млн. теңге алған.

Айжанат Бақытқызы