ШҚО полициясы 130 кг-нан астам есірткі тәркіледі
Фото: azattyq-ruhy.kz
ШҚО-да қылмыстық ұйымдардың қызметіне байланысты 148 қылмыстық құқық бұзушылық анықталды, деп хабарлайды Altaynews.kz тілшісі.
Бұл туралы облыстық полиция департаментінің өкілі баспасөз мәслихатында айтты.
- Өткізілген іс-шаралар нәтижесінде ШҚО-дағы қылмыстық ұйымдардың қызметіне байланысты 148 қылмыстық құқық бұзушылық анықталды. Түрлі қылмыстық топтардың 12 қатысушысы жауапқа тартылды, оның ішінде республиканың басқа өңірлерінен келгендер де бар, - деп түсіндірді департамент бастығының орынбасары Алмаз Төкенов.
ШҚО Полиция департаментінің ақпараты бойынша, 2023 жылдың қазан айында криминалитет көшбасшыларының бірі ұсталды, ол өскемендік кәсіпкерден жер учаскесін бопсалаған. Шығын 16 миллион теңгеден асты.
- Бұл іс аяқталу сатысында және сотқа жіберіледі. Сонымен қатар 2023 жыл ішінде Ұйымдасқан қылмысқа қарсы күрес басқармасының қызметкерлері заңсыз айналымнан 130 килограмнан астам есірткі, 17 бірлік атыс қаруы, 250-ден астам оқ-дәрі, жауынгерлік граната, екі жарық-шу гранатасын, сондай-ақ 16 тонна дизель отыны мен 11 тонна суррогат спиртін тәркіледі,- деп түсіндірді полковник Алмаз Төкенов.
Айжанат Бақытқызы
Оқи отырыңыз
Өскеменде бақшасын есірткі алқабына айналдырған зейнеткер ұсталдыӨткен жылы ШҚО-да 250 килограммнан астам есірткі тәркілендіШҚО полицейлері жыл басынан бері пәтер тонаған 26 қылмыстық топты ұстаған«Бюджет қаражатын талан-таражға салу». ШҚО-да 15 қылмыстық іс тергеліп жатырШҚО-да экономикалық алаяқтар 4 миллиард теңгені жымқырды
