«Қазгидромет» ШҚО филиалының мәліметінше, 11 наурызда облыстың солтүстігінде, шығысында, оңтүстігінде жауын-шашын жауады, қар жауады, көктайғақ болады, деп хабарлайды Аltainews.kz тілшісі.

Оңтүстік, оңтүстік-батыстан соққан желдің жылдамдығы күндіз 15-20 м/с жетеді. Өскеменде жауын-шашын, қар жауады, көктайғақ болады.

11-12 наурызда облыстың солтүстігінде, шығысында, оңтүстігінде жауын-шашын болады, сондай-ақ жылы ауа температурасы сақталады.

Осыған байланысты облыс аумағында қардың қарқынды еріп, көшелер мен үй аулаларын су басу қаупі жоғары. Осыған байланысты ШҚО ТЖД мамандары әр тұрғынға алдын алу жұмыстарын жүргізуді ескертеді.