Синоптиктердің болжауынша ШҚО-да қатты жауын-шашын жауып, ауа температурасы көтеріледі.

"Қазгидромет" ШҚО филиалының ақпараты бойынша, 9-10 наурызда облыстың басым бөлігінде жауын-шашын күтіледі, деп хабарлайды Altainews.kz тілшісі.

9 наурызда күндіз облыстың солтүстігінде, шығысында жауын-шашын (жаңбыр, қар), 10 наурызда жауын-шашын, облыстың солтүстігінде, шығысында кей уақыттарда қатты жауын-шашын (көбінесе жаңбыр) күтіледі.

Оңтүстік-шығыстан соғатын жел оңтүстік-батысқа ауысады, 9 наурызда облыстың солтүстігінде, шығысында 15-20 м/с, 10 наурызда облыстың солтүстігінде, шығысында, орталығында 15-20, екпіні 25 м/с.

Синоптиктердің болжауынша, 9-10 наурыз аралығында ауа температурасы түнде -5-10ºС-дан -2+3ºС дейін, күндіз 0-5 градустан 3-8 градусқа дейін жоғарылауы ықтимал.