ШҚО әкімінің орынбасары Бақытжан Байахметов пен құтқарушылар Күршім ауданын тікұшақпен айналып өтті.

Ауданда су басу қаупі жоқ, деп хабарлайды Altainews.kz тілшісі.

Мамандар Күршім және Қара Ертіс өзендерін зерттеді. Олардағы су деңгейі нормаға сәйкес келетіні анықталды.

- Күршім өзенінің бойындағы елді мекендерге қауіп төніп тұрған жоқ, су басқан ауылдар жоқ, - дейді мамандар.

Сондай-ақ құтқарушылар Қара Ертістің саласын зерттеп, онда кептеліс таппады.

Боран ауылына да су басу қаупі төніп тұрған жоқ.

Қазір құтқарушылар Маралды ауылына барып, Марқакөл ауданын айналып өтеді.

Фото және видео: ШҚО ТЖД