ШҚО-дағы 56 мектептің оқушылары тыйым салынған сайттарға білім ордасының интернеті арқылы емін-еркін кіріп жүрген, деп хабарлайды Altainews.kz тілшісі ШҚО прокуратурасының баспасөз қызметіне сілтеме жасап.

Өңір прокурорлары жүргізген тексеру нәтижесінде 56 мектептегі 15 мыңнан астам оқушыға тыйым салынған интернет-контенттің қолжетімді болғаны анықталды.

Нақты айтқанда, Өскеменнің 7 мектебінде сабақ барысында порнографиялық сипаттағы сюжеттер қаралған. Ал Шемонаиха ауданындағы 8 мектепте балалар букмекерлік кеңселердің сайттарына кірген.

Балалардың интернетке қолжетімділігін шектейтін бағдарламаның жоқтығы салдарынан осындай фактілер Риддер қаласында (15 мектеп), Алтай (6 мектеп), Самар (19 мектеп), Ұлан аудандарында (1 мектеп) тіркелді.