ШҚО-да тұралаған елді мекен қайта түлеп келеді
Күршім ауданының Сарыөлең ауылдық округіне қарайтын Бесжылдық халқы күрт азайғандықтан «ауыл» мәртебесінен айырылған болатын. Аталмыш елді мекен енді қайта түлей бастады, деп хабарлайды Altainews.kz тілшісі.
Бүгінде Бесжылдықтың көшесіне асфальт төселген. Балаларға арналған ойын алаңы да салыныпты. Оған қоса, көпбалалы отбасыларға арналған 4 бірдей баспананың құрылысы жүріп жатыр.
– Өткен жылы жолға асфальт төселді. Алдағы уақытта көшеге жарық тартуды да жоспарлап отырмыз. Қазір салынып жатқан 4 баспанаға, кем дегенде, 25 адам көшіп келеді. Аудан әкімдігінен жер сұрап, көшіп келуге ниет танытып отырған адамдар әлі де бар. Бір сөзбен айтқанда, тұрғындар саны біртіндеп көбейіп келеді. Біздің мақсат – осы елдімекенге ауыл мәртебесін қайтару, – дейді Күршім ауданының әкімі Алмат Ақышев.
Айта кетейік, кемінде елу тұрғыны бар елді мекендерге ғана ауыл статусы беріледі. Ал Бесжылдықта қазірдің өзінде 58 тұрғын бар. Баспана құрылысы аяқталып, көпбалалы отбасылардың игілігіне берілсе, тұрғындар саны әлі де арта түспек.
Оқи отырыңыз
