ШҚО-дағы өрт шығуы мүмкін ошақтарда мониторинг жүргізілуде (видео)
ШҚО ТЖД өрт сөндірушілері таулы аймақтарда өрт шығуы мүмкін орманды жіті бақылауда ұстауда, деп хабарлайды Altaynews.kz тілшісі.
ШҚО ТЖД бастығы Ерғали Бахаевтың айтуынша, өңірде өрт қаупі жоғары кезең басталды. Облыстың орман алқаптарында құрғақ шөптің өртену жағдайы тіркелді. Жергілікті атқарушы органдар мен өрт сөндірушілердің жедел әрекет етуінің арқасында қауіп тез арада жойылды.
- Алтай ауданындағы Березовка ауылының маңындағы Серебрянск орман шаруашылығы аумағында құрғақ шөп өртенген. Тілсіз жау уақтылы сқндірілді. Жалын 1.5 гектар аумақты шарпыған. Өртті сөндіруге 19 адам мен екі технка жұмылдырылды. Өрт орманға қауіп төндірген, ошағы орманнан 400 метр жерде шыққан, - деді Ерғали Бахаев.
Оның айтуынша, өрт сөндіру бөлімшелері мен жергілікті әкімдіктер, табиғи ресурстар басқармасымен бірлесіп, таулы аймақтардағы өрт қаупі жоғары ошақтарды үнемі әуеден бақылау жүргізіп отырады.
Оқи отырыңыз
