Ұлан ауданында «Таза ауыл» байқауы өтіп жатыр
сурет редакция архивінен
«Таза Қазақстан» экологиялық акциясы аясында Ұлан ауданында «Таза ауыл» байқауы өтіп жатыр, деп хабарлайды Altainews.kz тілшісі.
Ауданда 16 ауылдық округ және 45 елді мекен бар. Байқауға барлық елді мекен қатысуда. 6 мамырға дейін созылатын байқау қорытындысы бойынша аудандағы ең таза ауыл анықталып, бағалы сыйлықтармен марапатталады. Байқау барысында арықтар мен каналдарды тазалауға, абаттандыруға баса назар аударылады.
– «Таза ауыл» байқауы – аудан тұрғындарын тазалыққа шақыратын, туған өлкені жасыл желекке айналдыруға үлес қосатын әлеуметтік маңызы бар жоба. Соңғы жылдары ауылдарда абаттандырылған аулалар көбейген. Бұл – жыл сайын өткізіліп келе жатқан осындай шаралардың нәтижесі. Мұндай байқаулар ауылдың санитарлық тазалығын жақсартуға септігін тигізеді. Қазір біз арнайы комиссия құрып, ауылдарды аралап, тұрғындардың байқауға қатысу қарқының тексерудеміз, – дейді Жастар ресурстық орталығының басшысы Серік Асқабылов.
Оқи отырыңыз
