Облыс орталығында «Таза ойындар» акциясы өтеді. Іс-шараға қатысушы қала тұрғындары Ертіс және Үлбі өзендерінің жағасын тазалайды, деп хабарлайды Altainews.kz тілшісі.

20 сәуірге жоспарланған акция «Таза Қазақстан» экологиялық науқанын қолдау мақсатында өткізіледі. Қатысушылар қос өзен жағалауымен қатар Назарбаев даңғылындағы 83\1 үйдің маңын қоқыстан тазартады.
Айта кетелік, облыс орталығында «Таза ойындар» акциясы осыған дейін де өткізілген. Бұл іс-шараға қала жастары белсене қатысады.