№9 қазандықтан жылу берілетін ғимараттарда 13 мамырдан бастап 30 қыркүйекке дейін ыстық су өшіріледі, деп хабарлайды Altainews.kz тілшісі.

«Өскемен жылу жүйелері» АҚ ақпараты бойынша, Шлюзная көшесі, 2/1 мекенжайындағы №9 қазандықта ТК-0-5А жылу желісіндегі жазғы жөндеу жұмыстарына байланысты бірнеше ғимаратта ыстық су өшіріледі.

Яғни, Челюскин, 1 және Шлюзная көшесі, 1 а, 6, 8, 10, 12 мекенжайындағы көппәтерлі үйлерде; Челюскин, 1 А және Шлюзная көшесі, 1, 3, 5, 7, 9, 11, 13 мекенжайындағы жер үйлер мен ГЭС 1-де 13 мамырдан бастап 30 қыркүйекке дейін ыстық су болмайды.

«Өскемен жылу жүйелері» АҚ тұтынушылардан туындаған ұзақ мерзімді келеңсіздікке түсіністікпен қарауды сұрайды.