Зайсан қаласында заманауи спорт алаңы салынады
Зайсан ауданы әкімдігінен
Құрылыс жұмыстары басталды, 2024 жылдың 3-тоқсанында пайдалануға беріледі.
Мұнда футбол, баскетбол және волейбол, воркаут алаңдары болады, деп хабарлайды Аltainews.kz тілшісі.
Бұл жобаны «Самұрық-Қазына» АҚ-ның бірыңғай қайырымдылық операторы «Samruk-Kazyna Trust» қорының қаржылай қолдауымен «Катонқарағай ауданының тұрақты дамуы» қоғамдық қоры жүзеге асырады.
- Спорт алаңының жалпы ауданы 1,6 мың шаршы метрді құрайды. Бұл алаңда жасанды көгалмен жабдықталған 40х20 метрлік футбол алаңы, 24х16 метрлік баскетбол-волейбол алаңы, сондай-ақ 16х16 метрлік воркаут аймағы салынады. Бүгінгі күні спорт алаңының құрылысы басталды, жоспар бойынша, ол 2024 жылдың 3-тоқсанында пайдалануға беріледі, - деп хабарлады Зайсан ауданы әкімдігі.
Оқи отырыңыз
