ШҚО Ана мен бала орталығында пансионат ашылды
ШҚО Ана мен бала орталығында басқа елдімекендерден келген емделушілер мен олардың отбасы мүшелеріне арналған пансионат ашылды, деп хабарлайды Altainews.kz тілшісі.
Ана мен бала орталығына жүгінетін науқастардың көбі басқа аудан-қалалардан келіп, бір күнде тексерістен өтуге немесе қажет мамандарға жазылуға үлгермей қалады. Амал жоқ, олар үйлеріне қайтып, келесі күні қайта алыс жолға шығуға мәжбүр. Мұндай сапарларды әркімнің қалтасы көтере бермейді. Емделушілерге жеңілдік жасау мақсатында Ана мен бала орталығында пансионат ашылды. Онда алыстан келген аурухана емделушілері түней алады.
6 бөлмелі пансионатта 15 төсек-орын, душ, асүй, тоңазытқыш, кір жуғыш машина және т.б. бар.
ШҚО Ана мен бала орталығының пансионаты Өтепов көшесі, 35 мекенжайында орналасқан. Бөлмені алдын ала брондау үшін 8 705 830 42 39, 8 (7232) 75-55-13 нөмерлеріне қоңырау шалуға болады.